Библионочь – 2024: “Читаем всей семьёй” Арассыыйа үрдүнэн ыытыллар Библионочь аахсыйаҕа кыттыһан, дьиэ кэргэттэргэ сэргэх тэрээһин буолан ааста. Ол курдук, Валентина Васильевна Попова салайар 3 кылааһын үөрэнээччилэрэ дьиэ кэргэн туһунан сурдээх үчүгэй ис хоһоонноох ырыа ыллаан эйээртилэр, ону тэҥэ “Сказка о глупом мышенке” диэн остуоруйа көрдөрөн, тэрээһини киэргэтэн биэрдилэр. “Остуоруйалары ааҕабыт” дьиэ кэргэнинэн оруолларга киирэн туран остуоруйа аа5ыытын курэ5э буолан ааста. Дьүүллүүр сүбэнэн үлэлээтилэр, Лира Дмитриевна Шологонова, Айталина Васильевна Иванова, Иван Петрович Чириков. Манна барыта 6 ыал кытыыны ыллылар, Марианна Степановна сиэнэ Андриан Николаевтыын, Туяра Семеновна кыыһа Мария Павловналыын, сиэннэрэ Мирил Нарияна Ивановтары кытта, Лидия Семеновна кыыһа Людмила Илиничналыын, сиэннэрэ Алексения, Люсьена Семёновалар, Алёна Макарьевна уола Дамир Федотовтыын, Александра Никифоровна , Геннадий Петрович , Талбан Федоровтар, Раиса Николаевна уола Саид Павловтыын. Ким хайдах бэлэмнэнэн кэлбитинэн, сорох дьиэ кэргэн мааскалаах олорон остуоруйалаатылар. Бу түһүмэххэ 1 м Ивановтар дьиэ кэргэттэрэ, 2 м Семеновтар дьиэ кэргэттэрэ уонна 3 м Федоровтар дьиэ кэргэттэрэ ыланнар үөрдүлэр – көттүлэр. Кыайыылаахтар грамотанан, сэмэй бэлэхтэринэн наҕараадаланнылар, көхтөөх кыттыыны ылбыт дьиэ кэргэттэрбит эмиэ туоһу сурук, сэмэй бэлэх туттулар. Дьиэ5э сорудахха, о5олорго остуоруйа персонажтарыттан оҥоһук оҥорон кэлиигэ, 1 м Дамир Федотов, 2 м Андриан Николаев уонна 3 м Талбан Федоров ыллылар уонна эмиэ грамотанан,миинньигэс шоколадтарынан наҕараадаланнылар. Дьиэ кэргэттэргэ “Дьиэ кэргэнинэн аа5абыт” фотоколлаж күрэ5эр 1 м Федоровтар дьиэ кэргэттэрэ, 2 м Федотовтар дьиэ кэргэттэрэ уонна 3 м Николаевтар дьиэ кэргэттэрэ буоллулар.
Хаартыска рамкатын оҥорууга мастер кылааһы ыытта, Мэйик сурун оскуолатын технологияҕа учуутала, Айталина Васильевна Иванова. Манна хас биирдии дьиэ кэргэн фотоколлаж хаартыскаларын рамкалаатылар уонна силигин ситэрэн киэргэтэн биэрдилэр. Айталина Васильевна5а мастер класс ыыппытын туоһулуур махтал сурук, сэмэй бэлэх туттарылынна. Өссө да буолар тэрээьиннэргэ кыттыыны ылыа диэн эрэл санаа кыымын аныыбыт. Бу курдук о5ону кытта төрөппүт бииргэ олорон ону – маны оҥороллоро, тугунан эмит дьарыгыраллара көрүөххэ олус үчүгэй уонна оттон о5о5о кыра да болҕомто ууруллара, үтүө сыһыан олохтоноро үчүгэйгэ сирдиирэ саарбаҕа суох.
Библионочь тэрээһин сүрүн киэргэлинэн Фотозона оҥоһуллубута буолар, бары кэлбит ыалдьыттар хаартыска5а, астына – дуоһуйа араастаан бары түстүлэр.
Арассыыйа үрдүнэн ыытыллар Библионочь тэрээһиҥҥэ кыттыбыт бары дьиэ кэргэттэргэ, о5олорго, ыалдьыттарга махтал маанытын аныыбын.
