Бугун, муус устар 10 күнүгэр а5астыылар, балыстыылар, убайдыылар, бырааттыылар күннэрин чэрчитинэн, Мэйиктээ5и библиотека5а, бииргэ төрөөбүттүүллэргэ мүнүүтэҕэ аа5ыы күрэһэ буолан ааста. Барыта алта ыал о5ото кыттыыны ылла, ол курдук, Нарияна, Саина Максимовалар, Сайаана, Дайаана Еремисовалар, Алексения, Стасик Семеновтар, Сайаан, Санаайа Павловтар, Арсений, Эрсан Федоровтар, Мирил, Нарияна Ивановтар. Хас биирдии бииргэ төрөөбүттэр биир хамаанда буоланнар, биирдии мүнүүтэҕэ аахпыт остуоруйаларын бииргэ түмэннэр, ахсааннарын холбооннор, түмүккэ хайа бииргэ төрөөбүттэр ахсааннара  элбэх ол кыайыылаах буолан тахсар диэн. Онон, күрэх түмүгүнэн, көхтөөх кыттыыларын иһин, Нарияна, Мирил Ивановтар, Сайаана, Дайаана Еремисовалар туоһу суруктарынан уонна миинньигэс шоколадынан наҕараадаланнылар, үһүс бочуоттаах миэстэни Алексения, Стасик Семеновтар, ахсааннара тэҥнэһэн иккис миэстэни икки хамаанда ылары ситистэ, Сайаан, Санаайа Павловтар, Нарияна, Саина Максимовалар уонна муҥутуур кыайыылаахтарынан Эрсан, Арсений Федоровтар ылары ситистилэр.
      Бу курдук курэхпит өрө күүрүүлээхтик буолан ааста диэн бэлиэтиэ5и баҕарыллар. Бииргэ төрөөбүттүүлэр өрүү бэйэ бэйэлэригэр көмөлөсүһэ, көмө – тирэх буола сылдьыахтаахтарын, убай, эдьиий киһи тылын мэлдьи истиэхтээхтэрин туһунан сэһэргэһэн ыллыбыт. Түмүккэ бары бииргэ диэн девиһинэн хаартыска5а түстүлэр. О5о саас хатыламмат, умнуллубат биир эмиэ кэрэ күнэ буолан ааста5а,баҕар бу күнтэн о5олор бэйэ бэйэлэригэр сыһыаннара эбии сылааьырда5а буолуо диэн санаанан салайтаран, тэрээһиммитин түмүктүүбүт.