Хас биирдии киһи олоҕор, дьылҕатыгар учуутал олус улахан оруолу ылар. Учуутал киһи дууһатыгар, өйүгэр – санаатыгар, үлэтигэр – хамнаһыгар, оло5ун усталаах туоратын тухары сирдьит буолан хаалар.
Бугун, муус устар 9 күнүгэр, Мэйик нэһилиэгин библиотекатыгар, өр сылларга Мэйик оскуолатыгар үлэлээн ааспыт, элбэх о5о5о билии биэрбит педагогическай үлэ бэтэрээнэ, СР үөрэҕэриитин туйгуна, СР үөрэҕэриитин бочуоттаах бэтэрээнэ Васильева Варвара Захаровна 75 сылыгар, о5олоро тэрийэн ыыппыт “Кэрэ буочар” курэх түмүгүнэн истиҥ кэпсэтиилээх, сэргэх тэрээһин буолан ааста.
Бу курэххэ Өрөспүүбулүкэ араас муннуктарыттан барыта 19 о5о, 25 улахан дьон кыттыыны ыллылар. Бары Варвара Захаровна5а үөрэммит, кинилиин алтыспыт, бииргэ үлэлээбит уонна Мэйик нэһилиэгин олохтоохторо кыттыыны ыллылар.
Варвара Захаровна о5олоро, дьонноругар чахчы да5аны бэриниилээхтэрин, кинилэр сырдык ааттарын уйэтитэннэр, маннык улахан күрэхтэри тэрийэн, дьоҥҥо – сэргэҕэ үтүө өйдөбүлү хааллараллара саарбаҕа суох.
Ол курдук муҥутуур кыайыылааҕынан, Мэйиктэн теруттээх, билигин Дьокуускай куоракка олорор, Варвара Захаровна үөрэнээччитэ Аграфена Васильевна Баишева ону тэҥэ хас биирдии кыттааччыга акриловай памятнай суруктар, о5олорго Варвара Захаровна мөссүөннээх түөскэ иилинэр значоктар туттарылыннылар.
Тэрээһиммит саҕаланыытыгар Варвара Захаровна туһунан сэһэргээһинтэн, бииргэ алтыспыт, үлэлээн ааспыт коллегаларын, Российскай Федерация үөрэҕэриитин туйгуна, Саха Республикатын учууталларын учууталлара, Маргарита Егоровна Борисова, Саха сирин үөрэҕэриитин туйгуна, РФ үөрэҕэриитин бочуоттаах үлэһитэ, Саха Республикатын үөрэҕэриитин бочуоттаах ветерана, Үөһээ Бүлүү улууһун бочуоттаах учуутала, Валентина Васильевна Попова истиҥ-иһирэх ахтыыларыттан са5аланна. Манна даҕатан эттэххэ, оруобуна билбит курдук, Маргарита Егоровна Үөһээ Бүлүү хаһыатыгар суруйбут ыстатыыйата бэчээттэнэн тахсыбытын почтаттан киллэрэн, тэрээһиммит силигин ситэрэн – хоторон биэрэн, бары да кэриэтэ сүргэбит сурдээ5ин көтөҕүлүннэ. Олохтоох, Мэйик нэһилиэгиттэн о5олорго, Иванова Далаана, Иванова Ангела, Алексеева Аиша, Алексеев Сахамин, Степанова Сардаана, Федоров Эрсан, Максимова Саина, Николаев Андриан, Павлов Саид, Иванова Нарыйаана, Иванова Мария Мичийээнэ Куо, Семёнова Сияна, Васильев Эрэл, Иванов Айгылаан, Семёнова Саргы. Улахан дьоҥҥо, Айталина Васильевна Иванова, Айталина Семеновна Львова, Куннэй Васильевна Иванова, Елена Николаевна Васильева, Марианна Степановна Потапова, Маргарита Егоровна Борисова, Валентина Васильевна Попова, Зоя Васильевна Бускарова, Александра Ивановна Алексеева, Васена Васильевна Павлова, Николай Николаевич Прокопьев, Данил Анатольевич Николаев, Семён Павлович Васильев, Сардаана Петровна Иванова, Заура Васильевна Николаева, Ариан Владимирович Федоров, Варвара Михайловна Потапова курэххэ кытыннылар.
Бу курдук, педагогическай үлэ бэтэрээнэ, СР үөрэҕэриитин туйгуна, СР үөрэҕэриитин бочуоттаах бэтэрээнэ, Варвара Захаровна төрөөбүтэ 75 сылыгар аналлаах “Кэрэ буочар” курэх түмүгэ сурдээх истиҥник, сылаастык буолан ааста. Кыттыыны ылбыт дьоммут – сэргэбит чахчы да астына, өйдөбүнньүк бэлэхтэри туттулар. Аграфена Васильевна , учууталбыттан биэс сыана ылбыт курдук сананным диэбитигэр дылы, хайдах эрэ бу күҥҥэ, илэ-чахчы Варвара Захаровна куолаһа эйээрэн, иһиллэн ааспыкка диэри буолан ааста.
